‘Zuàn Jàcun Menon, il poète taponât

Ai 20 di març stât (2014) te sale «Della Torre» de Fondazion Carigo di Gurize al è stât memoreât cuntun incuintri – «Gian Giacomo Menon Il poète taponât
(Migjee 1910 – Udin 2000) - Une vite pe poesie», par presentâ la vite e la opare leterarie dal professôr–poete inte citât che al veve frecuentât cuant che al jere cetant zovin e al jere a studiâ tal liceu classic Dante Alighieri, lûc chest che nol è stât dome di incressite culturâl ma ancje di amiciziis impuartantis.
Prime, ai 6 di dicembar dal 2013 inte Sale Ajace di Udin, al jere stât presentât il libri: Gian Giacomo Menon, Qui per me ora blu – Una vita per la poesia, edizions KappaVu di Udin, par cure di Cesare Sartori, che al fo arlêf dal poete bielzà tal liceu classic Jacopo Stellini di Udin.
In chest volum e ven contade la vite dal professôr-poete, un om che al à passât buine part de sô esistence contantsi midiant dai viers poetics – plui di cent mil poesiis – un milion di viers poetics che a pandin par mieç de mascare des peraulis il so grant ingôs interiôr, ma che a lassin sorprese e maravee. Si trate ad in plen di un câs leterari di un gjeni poetic che vadì nol è stât capît e scuindût par so stes volê.
Lassât di bande e dismenteât intant che al jere in vite, al è stât tornât a recuperâ in gracie de ustinazion di Cesare Sartori, so arlêf, che lu à gjavât vie de dismentie che se di no al varès vût par destin.
Zuan Jacum Menon, nassût tal 1910 a Migjee in provincie di Gurize, che in chê volte al jere teritori austriac, laureât in jurisprudence a Bologne tal 1934 e dopo in filosofie tal 1937, al à insegnât storie e filosofie a un pâr di gjenerazions di students furlans tal liceu classic Jacopo Stellini di Udin.
Di zovin al veve aderît al Futurisim cjapant part cul aero-pitôr Tullio Crali di Gurize, so amì, al moviment di Marinetti. Tra i amîs dai agns gurizans dal liceu bisugne ricuardâ, dongje dal artist Tullio Crali, il scritôr poete Carlo Luigi Bozzi (1894-1973) e plui tart l’antropolic Carlo Tullio Altan, pari dal dissegnadôr innomenât che al à creât la Pimpe.
Inteletuâl gaiarin e trasgressîf, al amave stupî cun mûts di fâ stramps e provocatoris, ma al jere iresistibil e carismatic, mai banâl. Figure dibatude e discomude al è stât un insegnant che al à lassât segns di amôr e di devozion ma ancje feridis tal cûr e tal cjâf dai siei arlêfs.
Di ce che al à scrit al à publicât cetant pôc, ritirantsi dal dut de vite sociâl e mondane sul tacâ dai siei 50 agns tal 1957, par un isolament volontari tra i mûrs di cjase sô, une «decision di assence» par dedicâsi dome al insegnament e a la poesie.
Inte infanzie al à respirât un aiar contadin e cristian. A strenzin il cûr lis lirichis dedicadis ai ricuarts de infanzie, al paîs dulà che al è nassût e a la sô int – cap. V dal volum Qui per me ora blu, Con te mia piccola terra, cap.VII Io sarai il farc da tiere
(Io sarò la talpa della terra), cuasi un tornâ a lis sôs lidrîs. Viers poetics dulà che al marche cul so furlan, la sô fevele (varietât di Migjee), i cognons de sô int… Godeas, Simonit, Cisilin… e al cjante la sô tiere Mio amore mia terra.
Iò sarai il farc da tiere
Iò sarai il farc da tiere
il folc dal zil
sarai un colp di luz
un colp di scur
e muriran lis ladris
lis stelis
sarà la piere e il nul

( marzo – aprile 1999)
Io sarò la talpa della terra / il fulmine del cielo / sarò un colpo di luce / un colpo di buio / moriranno le radici / le stelle/ resterà la pietra e la nuvola

Con te mia piccola terra
con te mia piccola terra
piccoli campi piccolo fiume
piccola casa piccolo monte con te dove sono nato
piccola vita piccolo uomo con te e sarà piccolo il mio
luogo di te oh sarà breve il mio luogo corta
pietra corte radici corta erba che cresce in
soli non miei

Mio amore mia terra
mio amore mia terra mi penetri spada e radice
erba nera sopra di me scura parola dentro di
me
A proposit dal so furlan, une varietât dal Friûl di soreli jevât, Menon stes al scrivè intune note dal lui 996:
«Iò sai poc o nuia il Furlan, iò sai mal il Furlan dal pais dai vecios contadins, iò sai a oreli bastard peraulis sintidis di pizzul o di me pari e di me mari che fevelavin furlàn fra lor, iò scrivi cun fadie cul vocabolari un tant al sac un tant al bras».
Par lui la poesie e fo «ferita e farmaco insieme» (ferìde e midisìne intùne), baluart e solêf dal mont.
Intune interviste di Maria Carminati dai 8 di dicembar 1998 a proposit de poesie, il professôr-poete al rispuindeve cussì: «La poesia è un bisogno di un colloquio interiore come chi sente il bisogno di Dio, scrivere è vivere!».
Cussì lu definive il scritôr Carlo Sgorlon: «Filosofo del nulla e poeta assoluto» e come che 47 agns indaûr e riferìs La Fiera Letteraria: «…di Gian Giacomo Menon non sappiamo nulla, sappiamo solo che è un poeta», un vero poeta che era pazzamente innamorato della «vita incandescente delle parole».
Di lui al à scrit in maniere aprofondide il curadôr dal volum Qui per me ora blu
Cesare Sartori, furlan de diaspore, laureât in filosofie inte universitât di Triest, gjornalist professionist de Nazione di Florence, za arlêf dal professôr al liceu classic Stellini, cu la sô ustinade volontât e costance si è impegnât a cori daûr di segns e olmis de grandonone produzion poetiche dal mitic professôr, cuntun progjet culturâl e di divulgazion par un ricognossiment dovût, ancje se in ritart.
Un sfuarç mirabil di fâ cognossi Menon a un public vast. Doi libris, un di poesiis ineditis e une biografie, tantis conferencis e presentazions, un sît (www.giangiacomomenon.it) curât dal stes Sartori, che si pues consultâ e dulà che si pues cjatâ une vaste documentazion che e je inzornade in mût costant su la ativitât di presentazion e divulgazion, e culì po si cjate ancje la publicazion dai componiments, partint di poesiis ineditis, che a vadin indaûr vadì ai agns Cincuante dal ‘900. Dut chest al fâs part di un penç grup di lavôrs, numerâts dal autôr dal 729 al 1277 cence nissune indicazion de date.
Non l’azzardo dei giorni
il sole nei pioppi
galline nere di piuma
e l’ora bruciata nei nidi
il sotterfugio degli anditi
le scale precipitate
i capelli a sfiorare le dita
ogni parola rubata
giocarti nel nascere
e dopo più grande nei lini
oggi soltanto memoria
campo di vetri stirati
Non c’è pena
dove il cuore coincide con la foglia
né morte
se le vene respirano nei tralci
e succhiano dalla terra
una non delusa promessa.
Tu mi hai insegnato
a essere erba e corteccia,
a piegarmi sotto il peso dei grilli,
a farmi sentiero per la formica,
prato e bosco,
perduto nel sapore di una mora.
Ma, dopo, solo,
senza voce di pioggia
né messaggi di arcobaleno.
La grandiose corispondence di composizions ineditis che il poete al à lassât murint e je stade donade de femine Silvia Sanvilli (1922-2013) a la biblioteche civiche Vincenzo Joppi di Udin dulà che cumò e costituìs la part principâl di un fonts siôr di documentazion a disposizion di studiôs e ricercjadôrs.
Il volum Qui per me ora blu, che al à in zontât ancje un preseôs cd cui pièzs musicâi, scrits tra il 1970 e il 2012 di ben 10 compositôrs, che si son ispirâts ai viers dal poete, si pues cjatâlu tes miôr librariis.
(Egle Taverna)
[L'articolo originale in italiano sta in: «Sot la Nape», nn. 1-2/2014, pp. 99-101; la traduzione in friulano è stata pubblicata sul n. XXXII (ottobre 2014) di «Gnovis pagjnis furlanis» (pp. 22-26), rivista annuale dell'Union Scritôrs Furlans di Udine collegata al foglio mensile «La Patrie dal Friûl»].

Egle Taverna